IKASTURTEAREN AURKEZPENA

NATUR ZIENTZIAK DBH3

1. UD: Nola daude osatuta gauzak?

1.1 Gasen portaera berezia –dilatazioa-kontrakzioa, espantsioa-konpresioa eta difusioa– behatu eta deskribatu, portaera hori azalduko duen teoria zinetiko-molekularra definitu eta teoria zinetiko-molekularraren arabera gasen portaera azaldu.

1.2. Gasen presio, bolumen eta tenperaturaren artean ematen diren erlazioak ikertu, gasen presioa –presio atmosferikoa- eta gasen legeak –Boyle, Gay-Lussac eta Charles-Gay-Lussac legeak– teoria zinetiko-molekularraren bidez interpretatu eta azaldu. 

1.3. Materiaren agregazio-egoerak -solido, likido eta gas- eta materiaren aldaketa fisikoak –egoera-aldaketak eta disoluzioak- teoria zinetiko-molekularraren arabera interpretatu eta azaldu. 

1.4. Zientzilarien lan-prozedura -metodo zientifikoa- zer den eta zein diren bere urrats nagusiak modu sinple batean aztertu eta metodo zientifikoaren ildotik materiaren aldaketa fisikoez esperintzia sinpleak burutu.

1.5. Materiaren aldaketa kimikoak behatu, aldaketa horiek azalduko dituen teoria atomiko-molekularra definitu eta materiaren aldaketa fisikoak eta kimikoak teoria atomiko-molekularraren arabera azaldu. 

2. UD: Nola eraldatzen dira substantziak?

2.1. Atomoaren egitura aztertuz, eredu atomiko berriak (Thomson, Rutherford) deskribatu eta konparatu. Elementu kimikoak identifikatu eta haien osaera deskribatuz, atomoak, ioiak eta isotopoak ezberdindu.

2.2. Atomoen arteko loturak aztertuz, substantzia kimikoak identifikatu eta sailkatu. Konposatuak sailkatu eta arruntenak deskribatu, beren formula kimikoa  eta eredu molekularra adieraziz.

2.3. Teoria atomiko-molekularraren aplikatuz, erreakzio kimikoak interpretatu, ekuazio doituen bidez adierazi eta parte hartzen duten substantzien masaren proportzioak kalkulatu konbertsio-faktoreak erabiliz.

2.4. Erreakzio kimikoak sailkatu eta mota bat (konbustioa) aztertu eta ikertu, gure bizi-modurako garrantzia eta arriskuak baloratzeko eta pentsaera kritikoa garatzeko.